 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
А пчолы знаюць вульлі
Свае. Сказаў прарок.
Ім не трымацца вуліц
Ні ўздоўж, ні ўпапярок.
Няма пчале дыстанцый,
А ёсьць дзівосны код:
Да родных сьцен дастацца
Празь бездань перашкод.
Ёй крыж нялёгкі несьці,
На лёс не наракаць.
Такім жа чынам дзесьці
Нясе сябе рака.
У кветках валавокіх,
Зь вішнёвай вартай рал
Пазначана валока –
Пчаліны арэал.
Браню з тугога воску
Ня возьме хіжа восьць,
Бо ёсьць у вульлі войска
I маршал войска ёсьць!
Калі ў пашане праца,
Гудзе крылаты род,
I можна не спрачацца,
Што ў нас – наадварот.
I чуецца за гулам
Дакладных спраў расклад,
А плён іх падагуліць
Сьвяточны стол Каляд.
...Духмяны надвячорак
I Апанас Цыхун
У цяжкіх гронах пчолаў
Стаіць, нібы вястун.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
